اسلام آباد۔13اگست (اے پی پی):بیلجیئم ،لگسمبرگ اتے یورپی یونین کیتے پاکستان دے سفیر ڈاکٹر اسد مجید خان یوم آزادی تے آپݨے سنھیے اچ آکھیے جو پاکستان دے75 ویں یوم آزادی دے موقع تے بیلجیم تے لکسمبرگ اچ رہݨ آلے سارے پاکستانیاں کوں دلوں مبارخ ݙینداں اڄ دا ݙینھ اساکوں ھک آزاد تے خود مختار مملکت دے قیام کیتے آپݨے وݙ وݙیریں دی تاریخی جدوجہد دی یاد ݙویندے ، جتھاں اساں آپݨی زندگی مکمل مذہبی ، ثقافتی تے سماجی آزادیاں دے نال گزار سڳدوں۔اے ݙینھ انہاں مقصد دے حصول کیتے آپݨی جدوجہد جاری رکھݨ دے عہد دی تجدید دا وی ݙینھ اے ۔
