اسلام آباد ۔ 22 مارچ (اے پی پی)پاک فضائیہ دے نویں سربراہ ایئر چیف مارشل مجاہد انور خان کمانڈ سنبھالنےر توں بعد نیول ہیڈ کوارٹرز دا پہلا دورہ کیتے اتے پاک بحریہ دے سربراہ ایڈمرل ظفر محمود عباسی نال ملاقات کیتی۔ نیول ہیڈ کوارٹرز آمد تے پاک بحریہ دے سربراہ ایئر چیف مارشل مجاہد انور خان دا استقبال کیتے ۔ پاک بحریہ دے چاق و چوبند دستے معزز مہمان کوں سلامی ڈتی۔ نیول ہیڈکوارٹرز اچ تعینات پرنسپل سٹاف آفیسرز نال ایئر چیف دا تعارف کرایا گیا۔سربراہ پاک بحریہ ایئر چیف مارشل مجاہد انور خان کوں ترقی ملنڑ اتے پاک فضائیہ دی کمان سنبھالنڑ تے مبارک ڈتی۔ نیول چیف آکھیا جو سارے اہم آپریشنل اتے انٹرسروسز امورسانگے پاک بحریہ اتے پاک فضائیہ وچال تعاون اتے موثر رابطے بئے ودھسن۔ سربراہ پاک بحریہ یقین ظاہر کیتا جو ایئر چیف مارشل مجاہد انور خان دی اگوانڑی اچ پاک فضائیہ ترقی دیان نویاں منزلاں پار کریسی۔نیول ہیڈکوارٹرز دے دورے اچ ایئر چیف مارشل مجاہد انور خان ایڈمرل ظفر محمود عباسی کوں پاک فضائیہ دے مکمل تعاون دا یقین ڈیوایا اتے ملکی دفاع کوں ناقابلِ تسخیربنڑاونڑ کیتے رل تے کم کرنر دا عزم دوہرایا۔
