اسلام آباد۔6دسمبر (اے پی پی) صدر مملکت ڈاکٹر عارف علوی آکھیے چیلنجنگ عالمی منظر نامے اچ پاکستان کوں علاقائی امن کوں لاحق خطریں نال نبݨݨ سانڳے متحرک اندازِ فکر اپناوݨ دی لوڑھ اے ، دنیا کوں ایں ویلھے محبت، ہمدردی اتے معافی دا نقطہ نظر اپناوݨا چاہیدے، غزہ دی صورتحال دنیا دی بے حسی دی تشویشناک علامت اے جیڑھی جو تریمتاں تے ٻالاں سودھے نشوم لوکاں دے قتل عام کوں نی روک سڳی ۔ اے ڳالھ انہاںانسٹی ٹیوٹ آف سٹریٹجک سٹڈیز اسلام آباد (آئی ایس ایس آئی) دے اہتمام نال اسلام آباد کانکلیو 2023 دے افتتاحی اجلاس توں خطاب کریندے ہوئیں آکھی اے ۔ صدر مملکت آکھیے پاکستان کوں سپر پاورز دیاں دشمنیاں اتے پڑوسی ریاستاں دی مداخلت دے تناظر اچ شعوری طور تے آپݨے وژن کوں ول دریافت کرݨا ہوسی، انہاں ایں سلسلے اچ سیاست داناں تے ارکان پارلیمنٹ، وزارت خارجہ اتے وزارت دفاع وچال موثر گفت و شنید اتے پالیسی سازی کیتے نیڑے رابطے تے زور ݙتے۔ صدر مملکت آکھیے جو پاکستان دی جغرافیائی سیاست نال جیو اکنامک دی طرفوں سٹریٹجک تبدیلی اتے بھارت دی جارحیت دے تناظر اچ پالیسیاں دی لوڑھ اے ۔ انہاں آکھیے اڄ مہذب دنیا اخلاقیات دے اصولاں کوں فراموش کرچکی اے اتے طاقتور دی طرفوں کمزور طبقات دے خلاف لڑی ونڄݨ آلی جنگاں دا مشاہدہ کریندی پئی اے ۔
.jpg)
