اسلام آباد۔7مارچ (اے پی پی):صدر مملکت ڈاکٹر عارف علوی تریمتاں کوں بااختیار بݨاوݨ کیتے معاشی ترقی اچ اہم کردار قرار ݙیندے ہوئیں آکھیے جو معاشرے تے باری ذمے واری لڳدی اے جو او تریمتاں دی مختلف شعبیں اچ شراکت داری یقینی بݨاوݨ کیتے محفوظ ماحول ݙیون۔اے ڳالھ انہاں سنوار کوں ”آج صنفی مساوات کل پائیداریت” دے موضوع تے تقریب توں خطاب کریندے ہوئیں آکھی اے ، تقریب دااہتمام یونائیٹڈ نیشن ویمن، اقوام متحدہ دے آبادی فنڈ، یورپی یونین، یو کے ایڈ اتے حکومت کینیڈا دے تعاون توں کیتا ڳیا ہئی ۔ صدر مملکت ڈاکٹر عارف علوی حضرت محمد ﷺدی اہلیہ حضرت خدیجہ دا بطور تاجر حوالہ ݙیندے ہوئیں آکھیے جو پاکستان سودھے کتھائیں وی تریمتاں دے کاروبار کرݨ تے کوئی پابندی کائنی ۔ انہاں تریمت انٹر پرینور تے زور ݙتے جو او جدید انفارمیشن ٹیکنالوجی توں فیدہ چاون تے عالمی منڈیاں ڳولن اناہں عوامی جاہواں تے تریمتاں دی آزادی یقینی بݨاوݨ دی لوڑھ تے زور ݙتا تاں جو او چنڳے انداز اچ کہیں سماجی دبائو دے بغیر اپݨے فرائض سرانجام ݙے سڳن ۔
.jpg)
