نیویارک۔21مئی (اے پی پی):وزیر خارجہ مخدوم شاہ محمود قریشی اقوام متحدہ دے ہیڈ کوارٹر نیویارک اچ اقوامِ متحدہ دے سیکرٹری جنرل انتونیو گوئترس دے نال ملاقات کیتی اے ۔وزیر خارجہ سیکرٹری جنرل اقوام متحدہ کوں نہتے فلسطینیاں تے، طاقت دے بے رحمانہ استعمال اتے نشوم فلسطینی شہریاں ، عورتاں اتے ٻالاں دیاں شہادتاں تے ودھ ساری تشویش بارے ݙسایا ۔ شاہ محمود قریشی آکھیے جو جنوبی ایشیا اچ مستقل قیام امن کیتے مسئلہ کشمیر دا اقوام متحدہ سلامتی کونسل دی قرارداداں دی روشنی اچ حل ناگزیر اے۔انہاں آکھیے جو فلسطینیاں دے خلاف طاقت دے منظم اتے بے دریغ استعمال دے نتیجے اچ 250 توں ودھ فلسطینی شہید تھی چکن جݙاں جو زخمیاں دی تعداد ہزاراں اچ ݙسائی ویندی پئی اے ۔وزیر خارجہ آکھیے جو میݙے ایں دورے دا مقصد جنرل اسمبلی دے ہنگامی اجلاس اچ شرکت دے ذریعے نہتے مظلوم فلسطینیاں دے حق اچ آواز چاوݨ تے عالمی برادری دی توجہ انسانی حقوق دیاں پامالیاں دے پاسے کراوݨ اے ۔پاکستان، فلسطینیاں دی حق خودارادیت دی جدوجہد دی حمایت جاری رکھݨ کیتے پر عزم اے ۔ سیکرٹری جنرل اقوام متحدہ “سیز فائر” دے اعلان دا خیر مقدم کریندے ہوئیں توقع ظاہر کیتی جو ایں اعلان نال مسئلہ فلسطین کوں مذاکرات دے ذریعے حل کرݨ اچ مدد مل ویسی ۔ وزیر خارجہ سیکرٹری جنرل اقوام متحدہ کوں مقبوضہ جموں و کشمیر اچ جاری انسانی حقوق دیاں سنگین خلاف ورزیاں، کشمیری رہنماؤاں دی غیر قانونی نظر بندیاں اتے ماورائے عدالت قتل دے واقعات بارے ݙسایا تے آکھیا جو جنوبی ایشیا اچ مستقل قیام امن کیتے مسئلہ کشمیر دا اقوام متحدہ سلامتی کونسل دیاں قرارداداں دی روشنی اچ حل ناگزیر اے ۔
.jpg)
