اسلام آباد۔1دسمبر(اے پی پی) پی ٹی آئی دی وفاقی حکومت الیکٹرانک ووٹنگ مشین (ای وی ایم) اتے آئی ووٹنگ تے عملدرآمد سانڳے الیکشن کمیشن دا پورا ہتھ ونݙاوݨ دا اعلان کیتے۔ اے اعلان وفاقی وزیر سائنس و ٹیکنالوجی سینیٹر شبلی فراز دی صدرات اچ تھیوݨ آلے انٹرنیٹ والیکٹرونک ووٹنگ مشین بارے بین وزارتی کمیٹی دے اجلاس اچ کیتا ڳئے۔ مشیر برائے پارلیمانی امور بابر اعوان، وفاقی وزیر قانون فروغ نسیم اتے وفاقی وزیر انفارمیشن ٹیکنالوجی امین الحق شریک تھین۔ اجلاس اچ آندے انتخابات اچ ای وی ایم اتے آئی ووٹنگ دے امور تے الائے۔ اجلاس دے بعد میڈیا نال الیندے سینیٹر شبلی فراز آکھیے جو حکومت ای وی ایم اتے آئی ووٹنگ پر عملدرآمد سانڳے الیکشن کمیشن نال پورا تعاون کریسی، ایں سانڳے مالی، اسٹوریج، ٹیسٹنگ لیبارٹریز سودھا ٻیاں ضروریات بارے حکومت الیکشن کمیشن دا ہتھ ونݙیسی۔ انہاں آکھیا جو وزیراعظم عمران خان چاہندن جو آڳوتے جتنے وی انتخابات تھیون، ای وی ایم اتے آئی ووٹنگ نال ہوون، ای وی ایم ہک خواب اے جیکوں اساں حقیقت ݙیوݨ چاہندے ہیں۔
