وزیراعظم دا ضلع بنوں ، ملی خیل اچ دہشتگرد حملے اچ جواناں دی شہاد تے ݙکھ تے افسوس ،قربانیاں اصلوں ضائع نہ ونڄݨ ݙیسوں ، شہباز شریف

2025-03-05 17:36:20

اسلام آباد۔20نومبر(اے پی پی) وزیراعظم محمد شہباز شریف ضلع بنوں دے علاقے ملی خیل اچ سکیورٹی فورسز تے فرنٹیئر کانسٹیبلری دے جواناں دی شہادت تے ݙکھ تے افسوس کریندے آکھیے قوم دے پُتراں دیاں قربانیاں اصلوں ضائع نہ ونڄݨ ݙیسوں ،عوام دی جان و مال کوں خطرے اچ پاوݨ آلے فتنہ الخوارج کوں ایندی سخت قیمت بھرݨی پوسی ۔ وزیراعظم دفتر دے میڈیا ونگ توں جاری بیان موجب وزیراعظم محمد شہباز شریف آکھیے ضلع بنوں دے علاقے ملی خیل اچ سکیورٹی فورسز 6 خوارج کوں جہنم واصل کیتے تے ایں عمل اچ آپݨی جاناں دا نذرانہ پیش کیتے ، انھاں آکھیے ملک توں دہشتگردی منڈھوں مکاوݨ تئیں ساݙی دہشت گرداں دے خلاف جنگ جاری رہسی ۔ضلع بنوں دے علاقے ملی خیل اچ چیک پوسٹ تے خوارجیا ں دے حملے اچ شہید تھیوݨ آلیں اچ صوبیدارعمران احمد فاروقی شہید،حوالدار محمد جاوید اقبال شہید،نائیک طہماس شہید ،نائیک باسط فرید شہید،سپاہی صفدرعلی شہید،سپاہی اسد بشیرشہید، سپاہی اعجاز حسین شہید، سپاہی عاطف خان شہید، سپاہی امان اللہ شہید، سپاہی شاہ زمان شہید ،سپاہی حسیب اللہ شہید تے عثمان اللہ شہید شامل ہن۔

مضمون کا ماخذ : prêmios raspadinha

متعلقہ مضامین