اسلام آباد۔12مئی (اے پی پی):وزیر مملکت حنا ربانی کھر 13 مئی توں ݙوجھے یورپی یونین انڈو پیسفک فورم اچ شرکت کیتے اسٹاک ہوم سویڈن دا سرکاری دورہ کریسن ۔ دفتر خارجہ دی ترجمان دی طرفوں جمعہ کوں جاری بیان موجب وزیر مملکت امور خارجہ دا اے دورہ یورپی یونین دے اعلی نمائندے خارجہ امور اتے سلامتی پالیسی جوزپ بوریل اتے سویڈش وزیر خارجہ ٹوبیاس بلسٹروم دی مشترکہ دعوت تے تھیندا پئے ۔ فورم اچ وزیر مملکت اہم علاقائی اتے عالمی مسئلیں تے پاکستان دے نقطہ نظر کوں اجاگر کریسن تے یورپی یونین نال تجارت، سرمایہ کاری، ڈیجیٹل ٹیکنالوجی، آب و ہوا، ماحولیات اتے صحت اتے رابطیں اچ تعاون دے امکانات دا جائزہ گھنسن ۔ حنا ربانی کھر فورم اچ شریک رہنماواں نال وی ملاقات اتے ݙو پاسے تعاون دے امور تے ڳالھ مہاڑ کریسن ۔
.jpg)
.jpg)
.jpg)