اسلام آباد۔8مئی(اے پی پی):پاکستان اتے عالمی بینک اصلاحات اتے ترقی دا ایجنڈا اڳو تے ودھاوݨ کیتے ہک نویں، تکڑے اتے پر خلوص کن??ری پارٹنرشپ فریم ورک تے کم کرݨ تے اتفاق کیتے۔ اے اتفاق وزیر اعظم محمد شہباز شریف نال جنوبی ایشیا کیتے ورلڈ بینک دے علاقائی نائب صدر مارٹن رائسر وفد نال ملݨ ویلھے کیتے۔ وفد اچ کن??ری نمائندے ناجی بینسن وی شامل ہن۔ وزیراعظم پاکستان دی ترقی اچ عالمی بینک دے تعاون اتے آفات اچ موسمیاتی لچکدار انفراسٹرکچر ٻݨاوݨ سانڳے امداد دی تعریف کیتی۔ انہاں وفد کوں حکومت دے اصلاحاتی ایجنڈے، ٹیکس ریفارمز، ٹیکس نظام دی ڈیجیٹائزیشن، پاور سیکٹر اچ اصلاحات، زرعی شعبے اچ فی ایکڑ پیداوار ودھاوݨ، ٻالاں دی ودھوتری مکاوݨ شامل اے۔ کن??ری پارٹنرشپ فریم ورک دے تحت طویل مدتی شراکت داری جیندے اچ سالانہ جائزہ میکانزم نال اڳونہی دا جائزہ ڳھدا ویسی۔ شراکت داری اچ ڈھانچہ جاتی اقتصادی اصلاحات بشمول گھریلو وسائل متحرک کرݨ اتے ڈیجیٹلائزیشن و ٹیکس پالیسی اچ اصلاحات، ٻالاں دی نشوونما، بنیادی تعلیم دی بہتری توانائی شعبے اچ اصلاحات، بشمول ٹرانسمیشن و ڈس??ری بیوشن اچ نجی شعبے دی ساڄھے داری ودھاوݨ سودھا گرین انرجی تے توجہ ݙتی ویسی۔ ایں موقع تے عالمی بینک دے کن??ری نمائندے مسٹر ناجی بینہسین اتے سیکر??ری اقتصادی امور ڈویژن ڈاکٹر کاظم نیاز اعلامیہ تے دستخط کیتن۔ اجلاس اچ وزیر اقتصادی امور احد خان چیمہ، وزیر خزانہ محمد اورنگزیب، وزیر پٹرولیم ڈاکٹر مصدق ملک، وزیر مملکت برائے آئی ٹی شیزہ فاطمہ خواجہ، ڈپٹی چیئرمین پلاننگ کمیشن ڈاکٹر جہانزیب خان اتے ٻئے حکام وی موجود ہن۔
.jpg)
