لاہور۔25اگست (اے پی پی):بھارتی حکمران جماعت دے رہنما ٹی راجا سنگھ دی طرفوں رسول خدا حضرت محمد ؐ دی شان اچ گستاخانہ بیان دے خلاف مذمتی قرارداد پنجاب اسمبلی اچ جمع کروا ݙتی ڳئی ۔قرارداد مسلم لیگ (ن) دی رکن سمیرا کومل دی طرفوں جمع کرائی ڳئی۔قرارداد اچ آکھیا ڳئے جو پنجاب اسمبلی دا اے ایوان بھارتی حکمران جماعت بی جے پی دے رہنما ٹی راجا سنگھ دی طرفوں حضرت محمد رسول ﷺدی شان اچ گستاخانہ بیان دی شدید مذمت کریندے ۔ترائے مہینے اچ بھارتی حکمران جماعت دی طرفوں ݙوجھی واری ناموس رسالت ؐ تے حملہ کیتا ڳئے ۔ایں توں پہلے بی جے پی دی ترجمان نوپور شرما دی طرفوں حضرت محمد ﷺ متعلق توہین آمیز بیان ݙتا ڳیا۔بھارتی حکومت دی طرفوں نوپور شرما دے خلاف حالی تئیں کوئی کاروائی نی کیتی ڳئی ۔بھارتی حکمران جماعت دے رہنماواں دی ناموس رسالتؐ تے ول ول حملے ناقابل برداشت تھی چکئن ، اے ایوان اقوام متحدہ تے او آئی سی توں مطالبہ کریندے جو بھارتی حکمران جماعت دے پیغمبر اسلامﷺ متعلق توہین آمیز بیانات دا وختی نوٹس گھنن ، اے ایوان وفاقی حکومت توں وی مطالبہ کریندے جو بھارتی ناظم الامور کوں احتجاج ریکارڈ کرایا ونڄے تے انہاں کوں جلدی ملک بدر کیتا ونڄے ۔وفاقی حکومت عالمی سطح تے توہین رسالت ؐ کرݨ آلے ملعون ٹی راجا سنگھ اتے نوپور شرما دے خلاف بھر پور آواز چاوے۔
.jpg)
