اسلام آباد۔13جون(اے پی پی):وفاقی وزیراطلاعات و نشریات عطااللہ تارڑ آکھیے جو مہانگ دی شرح رمحلہ واری ڳھٹدی پئی اے، ایں ویلھے سارے اشاریے ݙسیندن جو معیشت بہ??ر تھیندی پئی اے۔ اسلام آباد اچ پریس کانفرنس کریندے انہاں آکھیا جو ساݙی حکومت دے آوݨ توں بعد معاشی اشاریے بہتری دو ونڄݨ لڳ ڳن، پچھلے کڄھ سال ضرور اوکھے ہن ٻھل اساں ݙیوالے تھیوݨ توں بچیے ہیں، او ݙینھ آوݨ آلا اے ڄݙاں اساں ڄڳ د??اں بہترین معیشتاں اچ ہک ہوسوں۔ انہاں آکھیے جو دنیا دے ترقی یافتہ ملک پاکستان دو ݙیہدے کھڑن، پاکستان دی 68 فیصد آبادی نوجواناں دی اے، بہتر مستقبل کیتے نوجواناں کوں آئی ٹی سکلز ݙیوݨیاں ہوسن، آئی ٹی، منرلز اتے ٻئے شعبیاں اچ پاکستانی نوجواناں کیتے وݙا سکوپ موجود اے، حکومت نینگراں کوں وسائل ݙیوݨ کیتے ودھ کم کریندی پئی اے۔ عطا اللہ تارڑ آکھیا جو وزیراعظم دا دورہ چین ٻہوں چنڳاں رہے، چائنہ دی منی ہوئی ٹیک کمپنی نال فریم ورک معاہدہ تھئے جیندے نال 2 لکھ ٻالاں کوں ہر سال آئی ٹی ٹریننگ ݙتی ویسی۔ انہاں آکھیا جو ساݙے ڄڳ د??اں بہترین کمپنیان نال معاہدے شروع تھی ڳن، تعلیم تے ودھ توجہ اے، اسلام آباد دی حدود اچ آوݨ آلے سکولاں اچ سمارٹ بورڈ لڳسن، سکولاں اچ آئی ٹی دی ٹریننگ ݙتی ویسی۔
