اسلام آباد۔25مارچ(اے پی پی)وزیر خارجہ شاہ محمود قریشی پیپلز پارٹی اتے مسلم لیگ (ن) سودھا اپوزیشن جماعتاں کوں آکھیے جو او جنوبی پن??اب صوبے سانڳے ݙتے ڳئے آئینی ترمیمی بل دی حمایت کرن، صوبہ ٻݨاوݨ کیتے اس??ں ٻنھاں آلی کار ہنڄو نئیں وہائے، عمل کر تے ݙکھائے، وزیراعظم دے خلاف حزب اختلاف دی عدم اعتماد دی تحریک ناکام تھیسی۔ اے ڳالھ انہاں صحافیاں نال الیندے آکھی۔ انہاں آکھیے جو اے آئینی ترمیمی بل وزیراعظم دی ہدایت تے پیش کیتے۔ وزیراعظم ایندی منظور?? ݙتی اتے بعد اچ اے بل وفاقی کابینہ توں وی منظور تھئے کیوں جو جنوبی پن??اب صوبہ پاکستان تحریک انصاف دا انتخابی منشور اے، 28 مارچ کوں قومی اسمبلی اچ جنوبی پن??اب صوبے دا آئینی ترمیمی بل پیش کیتا ویسی ڄیڑھا جنوبی پن??اب دے 3 چار کروڑ لوکاں کیتے چنڳی ڳالھ اے، اس??ں جنوبی پن??اب صوبہ کیتے قواعد و ضوابط دے تحت جنوبی پن??اب سیکرٹریٹ ٻݨائے، ایندے فنڈز رکھین، اس??ں جنوبی پن??اب دے عوام نال کیتا وعدہ پورا کر ݙتے۔ انہاں آکھیے جیکر واقعی یوسف رضا گیلانی صوبہ چاہندن تاں ایں بل کوں ووٹ ݙیون اتے ساݙا ہتھ ونݙاون۔ شاہ محمودقریشی آکھیا جو پاکستان تحریک انصاف پہلی حکومت اے ڄئیں جنوبی پن??اب صوبے کیتے سنجیدہ کم کیتے، تاریخ اچ پہلی واری جنوبی پن??اب کیتے انڄھ سالانہ ترقیاتی پروگرام پیش کیتے، ایندے نال لوک مطمئن تھیسن اتے وفاق وی ٻیا مضبوط تھیسی اتے چھوٹی اکائیاں دی محرومیاں مکسن۔ انہاں جنوبی پن??اب دے عوام کوں اپیل کیتی جو او اپݨے ارکان قومی اسمبلی کوں اپݨے ٻالاں دے سڄاکے مستقبل کیتے بل دی حمایت کرن۔
