اسلام آباد۔24فروری (اے پی پی) پاک فوج دی 33 رکنی سرچ تے ریسکیو ٹیم ترکیہ اچ 17 ݙینھ دے ریسکیو آپریشن پورا کر تے وطن واپس پڄ ڳی اے۔ ترجمان این ڈی ایم اے موجب وزیراعظم دی ہدایت تے این ڈی ایم اے پاک فوج دی منظم ٹیم 6 فروری کوں ترکیہ ٻھجوائی ہئی۔ ریسکیو 1122 دی 53 رکنی ٹیم ترکیہ ٻھجوائی ڳی۔ ریسکیو ٹیم دی واپسی تے وفاقی وزیر تعلیم رانا تنویر,پاکستان اچ ترکی دے سفیر اتے این ڈی ایم اے حکام استقبال کیتا۔ ایں بارے تقریب اچ ترکیہ ایمبیسی اتے وزرات خارجہ دے افسران شامل ہن۔ ترکی دے سفیر پاک فوج دی ٹیم کوں خراج تحسین پیش کیتا۔ ترکیہ سفارتخانہ ولوں پاک فوج دی ٹیم کوں پھلاں دا گلدستہ پیش کیتا ڳیا۔
.jpg)
